Item, è venuti in sti zorni do corieri à portato danari di Milano ma non molti; et come il ducha havia terminato aiutarli et far vegnir a Milano il marchexe di Mantoa et il conte di Cajazo, et dice la Signoria solicita il ducha di Ferara a concluder et a lui sta la pace. Item, la preda di stratioti fata, havia fato che dir a li citadini saria meio firmarsi perché seguiria novità, il governo tyranescho ch'è hanno seguazi 2000 con il fratescho; conclude si Piero verrà a la porta etc. Et la coraria ha pauriti costoro, ergo in Fiorenza era tre parte paleschi, frateschi et rabiati.
     
      [249] In questo pregadi fo messo parte per li consejeri che sier Francesco Moroxini doctor, andava orator a Napoli, potesse portar a risego di la Signoria nostra argenti extimati per ducati 300, et fu presa.
     
      Item, fo leta la gratia di sier Silvestro Morexini, et fu presa.
     
      Item, fo messo per tutti i savii di collegio, come hessendo el cotimo di Damasco debitor ducati 110 milia, et haver 60 milia ducati a usura, et esser omnino da proveder per riconzar quel viazo: che doman siano electi per colegio tre zentilomeni nostri di quelli vieneno in pregadi, potendo esser electi tutti salvo quelli di colegio, qualli debino vegnir con lhoro opiniom al colegio e poi a li pregadi. Et ditta parte have tutto il consejo; et fono electi, a dì 14 per colegio sier Hironimo Bembo fo consolo a Damasco da San Zulian, sier Stefano Contarini fo podestà a Chioza e sier Alvise Grimani era di pregadi fo di sier Bernardo, qualli venuti in colegio aceptono.