Da Napoli dil consolo di 10. Come il re Fedrico era ritornato lì, qual era partito per andar in Apruzo, e la tornata fo per la egritudine di la raina ch'era in 5 mexi et havia dopia terzana. Le raine vechie l'ajutavano assa', et il reverendissimo cardinal va a visitarla con musici. Le galie non sono ancor partide, et la majestà dil re disidera la venuta di l'orator nostro, qual li ha ditto verrà presto.
     
      Da Siena di Alvixe Sagudino secretario di 15. Qual per non esser cossa alcuna di momento non fu leta.
     
      Da Rimano dil secretario di 20 et 21. Prima zercha le bestie. Et Piero di Medici esser ivi zonto, et etiam il signor Antonio Maria di Sanseverino vien di Siena incognito a li piedi di la Signoria nostra. Et [251] have lettere di 20 da Bibiena dil proveditor Marzelo, come inimici haveano hauto tutto di là di Bibiena et l'Averna, perché quelli di lochi si hano dato, et nostri hanno hauto sinistro, zoè la compagnia di lo Alviano. El signor Carlo Orsini solicita li sia mandà ajuto; el ducha esser lì in Bibiena con li alemani, et l'Alviano in l'Averna con li spagnoli, dubita di assedio, solicita vituarie et quanto el pol mandi fantarie guastatori et monitione. Et che sier Zuam Paulo Gradenigo è in Val di Bagno con quelle zente, et fanti debino subito vegnir in campo in lhoro ajuto, lassando quelli lochi aquistati con custodia, et dimostravano nostri a Bibiena esser in fuga per esser li inimici ingajarditi et esser signori di la compagna. Et come esso secretario con Piero di Medici haveano fato molte provisione di mandarli vituarie, et scrito al Gradenigo venisse subito a Bibiena, et scrito a Ravena provedi; pertanto avisa la Signoria fazi aiuto, remedio e provision.