Or dete una lettera abuta dal signor Costantim che li advisava cosse di Franza; et voria Zuam Dolze secretario nostro a Turim fusse mandato a Monferà dal signor Costantim con lettere di credenza, ringratiandolo de li avisi, dicendo la Signoria nostra haver quel stato in protetione et il collegio nostro.
     
      Da Casal dil signor Costantim Comino, governador di Monferà, drizata al suo secretario in questa terra domino Urbano, data a dì 15. Come havia auto aviso dal re di Franza dovesse cassar quel Zuam Rosso conte di San Martim e non li dar più stipendio, per aversi voluto impazar in cosse che non dovea; et mandò la copia di la lettera di dito re a lui drizata. Item, per un'altra pur di 15, esser zonto la cavalchata di Franza et haver dal suo messo Janino orator, come lo re et li oratori di la Signoria sono di tutto in conclusione, et voria ducati 100 milia, consiglia la Signoria a darli et non vardar a questo, perché sapea soa majestà era in streta praticha con Milan; prega sia secreto. Item, [264] el re vol andar a Gienon, contra il fiol dil papa veniva.
     
      Da Zenoa di Marco Bevazan secretario, di 21. Come havia trovato Sauli che li darà ducati 10 milia al mexe a Lucha over a le Speze, con ducati 6 per cento; darà oro over moneta come coreva, et a Zenoa vol ducati 4 per cento a darli, ma voleno li danari de qui in contadi, et fano diferentia averli contadi da averli in bancho, 6 per 100. Item, haver trovato da uno altro ducati 450 a Lucha; li ha tolti et fato lettere di cambio, prega la cossa sia tenuta secreta.