Et cusś poi venuti in pregadi, fo posto parte per tutti li savii di collegio di dar provision a Sperandio Savelo che fazi artelarie come li altri, ducati 7 al mexe, et fato il precio di il rame etc. perḥ che Sigismondo fiol di Albergeto havia ducati 20 et Polo da Canar ducati 10 al mexe, et ditto Sperandio havia fato canoni quali poneva uno puto suso trahendo et non riculava. Or fo contradita per sier ... Grimani proveditor sora l'arsenal qual havia odio a ditto Sperandio. Li rispose sier Zorzi Corner el cavalier savio a terra ferma; et fo presa di largo.
     
      Item, fo posto per tutti i savii che, atento li preparamenti turcheschi, si debbi far in questo zorno per scrutinio uno capitano di le nave armade, con li modi fo eleto sier Andrea Loredan, qual habi a montar su la barza capitana era a Puola, la qual si conzava tutavia, et si dovesse armarla con homeni 300, et etiam l'altra barza patron sier Daniel Pasqualigo era etiam a Puola, qual si dovesse conzar con homeni 250, et cusś quella è a Poveja patron sier Albam d'Armer si debi armar con homeni 250, et in nomine Domini il primo d́ de l'anno nuovo debi meter bancho questa è a Poveja che era zà riconzata; né si possi acrescer il numero di homeni a niuna se non per deliberation dil consejo di pregadi. Et sier Bortolo di Priuli e sier Vetor Capelo savii ai ordeni, messe che el capitano fusse electo uno altro consejo: or anḍ la parte 4 di no, 44 di do savii ai ordeni et 118 di la parte di savii et io, e fu presa, et fato il scrutinio fo tolti 44 tra li qual sier Tomà Zen el kav. fo capitano di le nave, el qual balotado anḍ mejo di niuno.