Item, aspetavano sier Zuam Paulo Gradenigo, et bisognava la Signoria facesse uno proveditor di qua da le alpe a mandar li condutieri fuzevano di là e unirli insieme, et che Paulo Vitelli aquista honor con la viltà di le zente d'arme nostre. Et a dì 21 dito, mandò a dir al signor Carlo Orsini ussisse di Montalone; li rispose venisse lì a cazarlo che stava per nome di la Signoria e non si moveria fino quella non li comandava si partisse, tamen non era comparso; et che tutto il desordine è stato per il levarsi lì di le zente d'arme. Dimanda fanti e vituarie et sia presto; et che el signor Bortolo era diventato uno diavolo; havia mandà in terra di Roma a impegnar Alviano castelo suo per haver zente; vol far di inverno estate, et vol invernar in campo.
     
      Di Bibiena di sier Piero Marcello proveditor, in zifra, data a dì 22 hore 7 di note. Come Jacomazo da Veniexia era alozà in Borgo di Campo con 50 visentini et uno contestabile, quale senza licentia si era partito, et menò via li fanti senza saputa dil contestabile. Item, Zuam Paulo Manfron era con li provisionati veronesi et alcuni contestabili di Val di Lamon, in Val Branzona fece il simile, et li fu comesso andasse a Vergareto; andò a Pratiego più di qua.
     
      [282] Item, Astor Bajom era a Bibiena indisposto; intese a Campi era Carlo et Grifoneto Bajom, si partì e veneno lì a Bibiena in fuga come scrisse, et si partino tutti et andono a Castel Delze; li havia scrito andasseno in la Badia di Tedalda. Et lì esser restato Lazaro Grasso con 30 di soi fanti et 50 di altre compagnie et 25 altri di la guarda dil proveditor Venier, etiam uno contestabile veronese con 30 compagni, et Piero Grimaldo con 50 compagni l'aveano posto in la rocha.