In quel colfo, si puol dir fuora dil mondo, è da anni 30 in qua libera da censure di syndici, et era stà mal posta da alcuni primi di quella terra che si haveano ingrassato quali sono provisionati e salariati: havia fato optimi ordeni, apresso quelli fati alias per sier Cosma Pasqualigo proveditor in la Morea et sier Antonio Grimani capitano zeneral di mar alhora. Item, le munition esser mal governate né hanno luogo da star, et il proveditor morto fece far uno loco fino al colmo; mancava copi da coverzer; esso synico havia tolto in prestedo da l'arziepiscopo de quel luogo alcuni copi per coprir et etiam per coprir uno palazo al porto, principiato per sier Andrea Foscarini proveditor de lì, havia mandà a tuor copi a Corphù. Item, li soldati doveano haver da quella camera page do in danari et cinque di formento a l'anno e non proveno con page morte. Agustim da Liffi, Polo da Sibinico et la compagnia di Perim di Lupi in castello erano contestabili deputati, et in la terra Mathio da Veniexia et Pasqual di Este. Item, in quello territorio esser 4 castelli importantissimi, el Galata, el Peritorio, Uromiari et Neocastro che sono le chiave di Nepanto. Havia mandà el strenuo Zuam Mosco cavalier capitano dil devedo nominato Voyvoda, qual andato referisse come qui soto apar, qual havia sotoscrito di sua man.
     
      [293]Deposition dil strenuo domino Zuam Moscho cavalier
      cercha li castelli dil territorio di Lepanto.
     
      Essendo mandato in questi zorni proximi el strenuo misier Zuam Moscho cavalier et capitano del devedo da Lepanto, per el magnifico et clarissimo misier Piero Sanudo dignissimo syndico proveditor et avogador di la nostra illustrissima Signoria de Veniexia in Levante, per tutto el territorio et distreto de Lepanto, per veder cum che custodia stevano li castelli et come erano muniti de le sue necessarie forteze e de le monition che li bisognano; item, per veder se la prefata nostra illustrissima Signoria de Veniexia era defraudata de le intrate sue e de le possession; e anche a far saper a li poveri villani et altri che se fosseno sta spogliati over tolti li soi beni per mal modo over tortizati da alguno vengano a lamentarsi, da poi la sua ritornata, per quanto aspeta a li detti castelli, in questo zorno ch'è a dì 18 novembrio 1498, referite in questa forma: