Item, fo posto per li consejeri, savii grandi et di terraferma, di scriver a l'orator a Roma per quel beneficio di Monopoli fo conferido per collegio a uno fiol di Luca di Lanti orator pisano, el qual in questi zorni erali morta la moglie e rimasto con 10 fioli, et quello havia dito beneficio era suo cugnato, e fu presa.
     
      Item, fo posto per 4 de nui savii ai ordeni, et fo opinion mia, di mandar 2000 stera di mejo a Cataro, 20 miere de biscoto, bote 10 di asedo et 6 de ojo per la munitiom di quella terra et castelo, né se possi tochar soto la pena di furanti. Item, mandarli ducati 200 di raxon di la fabricha per scarpar certo monte; etiam mandarli ducati 40 per far la fortificasiom di uno loco da star stratioti et uno ponte, come era consejato per lettere di quel retor. Item, fusse fato cavar il fosso, et che 'l retor dovesse far la mostra di quelli fanti et cassar tutti paesani, né quelli potesseno haver soldo altri che taliani, et dovesse poner le guarde, e fu presa.
     
      Item, fo messo parte, et presa per i savii dil consejo et di terra ferma, di scansar molte spexe de officii in questa terra; et che fusse comesso ai tre proveditori sopra la camera d'imprestedi, dovesseno veder et inquerir et vegnir con lhoro opinion in collegio, et che tutti li savii potesseno vegnir con dite opinion al consejo; et parloe sier Hironimo Capello proveditor per le camere, non per contradir, ma disse venivano cussì poi era retornadi, et narò molti desordini seguite per le nostre terre per li scrivani di le camere, li qual li haveva intromessi et metaria, etc.