Quello seguirà aviserà; et poi dice in fine aver auto aviso esser stati sguizari da 12 in 14 milia, quelli hanno corso.
     
      Da Turim di 13 et 15 di Zuam Delze secretario in zifra. Come havia auto lettere dil Triulzi et di Placidio di Aste con lettere abute dal Malabaila di 5. Replicha quello scrisse per avanti; la qual era in francese, data a dì 5 zener a Synon et leta per Gasparo. Come el re sarà doman a Nantes, e la raina con li baroni è lì, e la conclusion dil mariazo fo eri conclusa: si aleterano marti o mercore, che sarà a dì 8, et li aviserà dil seguito. Ha mandà a dir il re a li oratori di la Signoria vengino a Nantes, farà qualche bon spazamento, et si meterà in aseto le cosse de lì: et par il re si meraveja non haver qual cossa di esso misier Zuam Jacomo. Item, el secretario scrive: come a dì 12 passò di Turim via uno Joane Angiercut, vien di Bergogna a la Signoria nostra. E per la lettera di 15, che l'amico li havia ditto monsignor di Taro esser passà in Franza con la resolution che 'l ducha non volea acetar partido dil roy ma star neutral; et che misier Zuam Jacomo scriveva haver auto la verità di Milan di le cosse di Casentino, et subito havia spazà in Franza, et Placidio li ha scrito molte cosse che non licet homini loqui. Item, domino Zuam Adorno esser stà mandato a chiamar per il ducha, el qual vol dar il cavallo con li fornimenti al re di Franza, zoè Zenoa con la Riviera. Item, esso secretario voria saper l'opinion di la Signoria nostra di quello lui habi a far, andando la corte di là monti, andar, restar o venir.