Item, haver per uno venuto di sopra di Lubiana, come tutti si meteva in hordine con arme per aver conto dal re di romani si dice per venir in Friul.
     
      Da Riva di sier Hironimo Baffo proveditor, di 19. In materia de sali che veniva assa' lì di terra todescha, e dicono haver privilegi de poter portarli, adeo ne portano tanto che basta a fornir il veronese e brexan, non che Riva, et per collegio fo scrito li retegni fino si veda il privilegio. Item, dice haver, per explorator mandato, come sguizari fanno danno su quel di l'imperador a Bolzan et altri lochi, chi dice per la Signoria nostra, chi per il re di Franza; et lui à mandato a veder, trovò esser 2000 sguizari, che dicono haver servito il re di romani contra Franza e non esser stà satisfati dil suo stipendio, et hanno presa Santa Maria di Monti in Val Venosa e lì stanno; et 5000 paesani è in arme contra questi tal sguizari, et si dice non sedando tal rumori el conte Zorzi di Baviera si moverà.
     
      In questa matina in collegio fono balotate zerte cosse rechieste per Alvixe Zucarim, cavava il porto [354] di Modon, sora de sì, come par, per il merchado fato zà un anno in collegio. Item, feci balotar me solicitante il mandato di le page di le fantarie sono in li lochi da mar, acciò quelli poveri potesseno viver.
     
      E da poi disnar fo consejo di X con la zonta, de danari et collegio.
     
      Non voglio restar di scriver come eri in Rialto fu fato far una cria per li compagni chiamati Eleti, che sier Zacharia Valeresso de sier Zuam, atento non havia dà la cena a la compagnia fusse cazado et se intenda esser fuora di ditta compagnia, e fo gram rider de tuti.