Et fo consultato in collegio di responder imediato che 'l venisse justa la parte presa: tamen mandato a dimandar l'opinion dil principe; soa serenità consiglioe si dovesse scriver doman per pregadi.
     
      [1499 01 23]A dì 23 zener in collegio. Vene l'orator di [360] Napoli pur per cosse private, zercha quelli grani di Marco Mamoli, et li fo risposto non si havia auto tempo di aldir sier Andrea Loredam, e comesso a li savii l'aldisse.
     
      Vene l'orator di Urbim in consonantia di quello havia mandato a dir per quel di Vilmerchà, et che bisognava mandar vituarie per la cava di Volano a Bibiena con gran forzo; tamen el ducha mandava a dir questo per scusarsi si non rimaneva ivi.
     
      Vene domino Joannes Angiecurt bergognon, sentò apresso il principe, e portò lettere di do capitanii borgognoni stati a soldo dil re Carlo di Franza morto; et era lettere di credenza in francese, la mansion era: altissima, potentissima et excellentissima Signoria di Veniexia, data ex Proy a dì 2 zener, et è sotoscritta per uno di Tavaneo e uno altro capitano; et Zuam Piero Stella secretario fo interprete. In conclusione, scriveno non voler più soldo da' francesi, e voria vegnir con la Signoria a stipendio; et acciò fusse fato stima di lhoro, benché tutto il collegio fusse d'acordo de non li dar conduta, tamen, per el principe li fo fato dir in francese fusse el benvenuto et si consejeria. Tamen uno altro zorno li fo ditto andasse, perché la Signoria havia assai.
     
      Da Ravena, di 21. Esser zonto lì domino Taliam da Carpi, el qual viene in questa terra, et Jacomazo, doman dia zonzer il Manfrom con lettere dil proveditor Venier che li dava licentia e li fusse da alozamento; et Jacomo Sacho era etiam zonto, e con li danari andava a Sojano.