Et esso Zacharia la sera fue dal ducha, qual li disse questo, e strenzea le spalle, dicendo sempre: "Forsi aremo altro, vedete per mi non mancha, nì per il ducha di Milan che à bona volontà per conzar le cosse de Italia." Conclude esso secretario Zuam Alberto si doleva et consigliava la Signoria lo facesse tornar a caxa.
     
      [1499 01 30]A dì 30 zener in collegio. Vene l'orator di Urbin domino Machario, dicendo haver lettere dil ducha di 25, et si dovesse far un forzo et portarli vituarie al dispeto de' inimici, altramente stavano mal.
     
      Vene Luca di Lanti orator pisano con uno altro orator novo chiamato Guielmo di Lunardo Rizeti citadin pisano; et sentati apresso el principe, l'orator nuovo presentoe le lettere di credenza scriveano pisani patri et benefactori nostro obs.mo et expose da parte di soi signori: quelli soldati nostri facevano molti danni, et fusse mandato uno capo perché non hanno contrasto et poteriano far assa' cosse; racomandandosi molto a questa Signoria, et pregando li fusseno dati li ducati 200 per mantenir la signoria lhoro in palazo, come li fu promesso, perché non possono starvi senza.
     
      Da Castel Delze di sier Iacomo Venier, di 26. Come era venuto lì el signor Carlo Orsino di Montalone, qual loco havia abandonato, et era venuto soto la Pieve sempre scaramuzando, et era zonto a salvamento con la compagnia; mancha solum do soi homeni d'arme, et etiam la compagnia di alemani è venuta via salva. Item, havia lassato Montalon fusse brusato, et l'Alviano è partito da l'Averna e andato a Bibiena; dice de li cavali dil ducha fono presi da inimici a le tajate da li villani, per haver smarito la via, et fono solum 300 cavali, et come veniva a la Signoria Pin da Bergamo contestabile; era stato in Montalone, et uno messo dil signor Carlo, et domino Paulo de Fuligno, stato a l'Averna.