Et dixe che dicto conte Bernardim ha auto licentia dal re di Ongaria et de parte di baroni che se 'l puol tuor e aquistar Segna che 'l se la toja, perhò dito conte Bernardim dice volerla per si sollo, ma li altri Franchapani non voleno asentir. Item, dice che quelli di Segna sano di tal parlamento, e che per niente non voleno asentir di vegnir più soto el dominio di questi signori Franchapani, et che più presto voriano brusarla et abandonarla e darse a' turchi; et hanno mandato uno de' soi capitani a la majestà dil re per intender la intention sua, il qual di brieve se aspeta, perché deliberano farne altra provision. Item, dice che el conte Zuane, fiol dil conte Carlo di Crobavia, se ha acordato con turchi, et li dà i passi, ne farà più segni di bombarde, et che li altri signori di Crovatia sono etiam per acordarse, perché i diseno che il re di Ongaria non li ajuta, né loro da sì si pol conservar, et che meglio li è acordarsi con turchi che esser desfati e ruinati lhoro et il suo paese; et come le neve siano disfate et cavalchar se possa, se aspectano turchi a questa parte superior che compirano de ruinar quel poco è restato. Item, dice et aferma di vera sententia, come el dì dil anno novo hessendo il conte Bernardin in Modrusa, et aldando messa in canto, e quando il prete vuolse tuor la sacratissima ostia per infranzerla juxta il consueto non la trovò sopra l'altar, et restato tuto sbigotito non sapea che dir né far, et ne fo grandissimo tumulto di le persone, et alcuni che vegnivano di fuora in chiesa veteno essa ostia in aiere sopra el campaniel, et dicto al signor, tutti andono de fuora et veteno essa ostia et mandono el prete, havea ditto il vangelio, in campaniel per veder di tuor essa ostia, et che quando el fo a le balconate tutti veteno che essa ostia si levò per andar nel aiere che più non se vete et disparse davanti tutti, i qualli [396] rimaseno con grandissimo terror vedendo tal stupendo miracolo.