Dio permeti il meglio nostro. Praeterea, per lettere ultimamente venute dal Cajero, el se ha divulgarsi Carthabei signor di Damasco esser stà morto, nel loco del qual è stà fato signor el signor de Alepo, e di Alepo el signor di Tripoli, de Tripoli veramente uno parente dil soldam morto. Ozi di questo paese tuto è in mano et governo de' zoveni, perhò non è da prenderne molta admiratione se le cosse non passano a l'uso de' tempi passati. Dio provedi, lui che puol, che la nation nostra sia ben tractata. Da mi serenissimo principe non mancherà secondo le occorentie meterne ogni mia cura e diligentia che le cosse di vostra sublimità passino con honor di quella e utile di la nation. Né voglio restar darne a vostra excellentia brieve noticia di quanto è stà facto per nostri poi el partir de le galie, che esser stà contrato per nostri ogli, cenabri, panine di lana, seda et oro, intanto che si trova specie de' nostri da colli circa 100 poco più, si può sperar sii contrato fino al retorno de' merchadanti mori dal Cajero, qual vano uno de questi zorni. Né altro è degno di relation di vostra sublimità, a la gratia di la qual humilmente mi ricomando. Ex Alexandria, die 25 novembris 1498. Hironimus Teupulo consul Alexandriae.
     
      [1499 02 02]A dì 2 fevrer, fo il zorno di la Madona di le candele, el principe fo in chiesia di San Marco a messa con li oratori, et in questo mezo li savii se reduseno in collegio ad aldir le lettere.
     
      Da Milan di l'orator, di 30 zener. Come eri sera zonse lì domino Ludovico da la Mirandola fiol [398] dil signor Galeoto venuto di Toschana, et el ducha a fato comandamento al signor Galeazo di Sanseverino stagi in hordine con le zente.