Item, fo expedito la comission di Marin Biancho sopra la munition, et datoli ducati 40 da spender; et fo butà le tessere tra nui savii ai ordeni de chi doveva andar al bersajo, et tochoe a mi Marin Sanudo.
     
      [1499 02 07]A dì 7 fevrer in collegio. In questa matina intisi sier Polo Barbo el consejer esser stà mandato a Padoa dal cardinal Zen per il consejo di X, videlicet non vidi in collegio, et certissimo era andato; qual tornò il zorno da poi ad quid libenter silebo etc. Et fo mandato l'altra sera per il consejo di X con grandissime streture, et io mi l'imaginai fusse andato, come fu, non lo vedendo in collegio.
     
      Vene el signor Zuam di Gonzaga, qual era pur qui a San Zorzi, replicando di la fede havia a questa Signoria; et li fo risposo che, atento la cossa dil fratello, andasse via che per adesso non si li risponde altro; et lui disse lasserò qui uno mio a solicitar la Signoria vostra, zoè Donato di Preti et io ne ritornerò a Mantoa fidelissimo etc., pregando la Signoria nostra facesse sì che lui non desse piacer a' nostri inimici. Item, ditto suo secretario dimandò al principe, per nome dil signor marchexe, di poter mandar libere senza dacio 6 bote di vin de Friuli comprate per il bever suo; et li fo concesso, licet alcuni non voleva di collegio, ma sier Marchiò Trivixam, savio dil consejo, disse suo zenero sier Anzolo Contarini [414] esser stato a Mantoa et havia auto optima compagnia dal marchexe, fatoli le spexe e roto il salvocondoto à soi debitori e fatolo pagar. Item, vene Hironimo Zenoa in collegio, pregando la Signoria che ditto signor Zuane, ozi ch'è zuoba grasso, voria vegnir in qualche loco in piaza a veder la festa di la caza, et li fo risposto andasse dove li piaceva, et cussì fo preparato a li balconi di quelle hostarie.