Et volendo dicte lettere fusse prima lecte, le qual non era translatade, disse non voler dir nulla se prima non fusse lecte dicte lettere, et il principe li fè dir venisse doman.
     
      Vene l'orator di Napoli, dicendo haver lettere dil signor re, li advisava dil zonzer a soa majestà l'orator nostro sier Francesco Morexini dotor, per tanto ringraciava la Signoria nostra di averlo mandato etc.
     
      Vene domino Jacomo da Nolla, secretario dil conte di Pitiano, dicendo el signor conte va di bon cuor, vol 5000 fanti e de lì in suso, vol li danari di le page, et che de li ducati 8500 abuti havia dato a la compagnia, et veniva ben in hordine, et havia lassato sopra le sue zente, lassava in brexana, el [422] conte Mariano, et che zonto soa Signoria a Ravena voleva andar a la liziera a Castel Delze, et aviserà come anderano quelle cosse, et è contento tuor li 33 poliedri, è a Monopoli dil principe di Salerno, a so conto, pagandoli di le sue page. Li fo risposto optime per il principe.
     
      Vene uno turcho, et presentò una lettera dil signor Turcho, la qual fo translatada et è qui sottoscrita: voria menar via de qui sue sorelle schiave fo comesso a li savi ai ordeni etc.
     
     
      Copia di una lettera dil Signor turchoa la Signoria nostra
      per la recuperation di schiavi.
     
      Sultam Bagiaxit can, de Dio gratia imperador eletto de l'Asia e de l'Europa. Al glorioso ed illustrissimo sopra de ogni honor doxe de la illustrissima Signoria de Veniexia, misier Agustim Barbarigo, la degna et conveniente salutation meritoria mandemo a la vostra Signoria illustrissima.