Et perché sier Homobon Griti, electo pagador in campo, havia refudato, fu facto in loco suo sier Faustim Barbo savio ai ordeni, qual si fece tuor et poi refutoe, et qui soto sarà notado il scrutinio.
     
      Electo pagador in campo.
     
      Sier Alvise Diodo, fo proveditor sora l'armar, q. sier Francesco dotor 10:10
      Sier Trojam Bolani, fo patrom di galia, q. sier Hironimo 6:14
      Sier Vicenzo Contarini, q. sier Hironimo 9:11
      Sier Sigismondo di Cavalli, de sier Nicolò 10:10
      Sier Marco Antonio Contarini, de sier Priamo 9:11
      Sier Andrea Arimondo, q. sier Simon 4:16
      Sier Lunardo Zantani, de sier Antonio 4:16
      Sier Zuam Moro, q. sier Baldisare q. sier Zuam procurator 8:12
      Sier Vido Morexini, fo cao di 40, q. sier Nicolò 10:10
      Electo sier Faustin Barbo, el savio ai ordeni, q. sier Marco 13: 6
      Sier Marco Gradenigo, q. sier Zusto, q. sier Zuam cavalier 4:16
      Sier Daniel Dandolo, q. sier Hironimo. 12:8
      Sier Francesco Baxeio, q. sier Piero. 3:17
      Sier Marco da Molin, savio ai ordeni, q. sier Piero 11:9
     
      Da poi disnar, li consejeri deteno audientia; et li savii in collegio si reduseno a consultar, ma nulla fo di novo. Et io Marin Sanudo, savio ai ordeni, fui mandato a Lio a far la mostra de li fanti si mandava a Corfù, insieme con Piero di Paxe rasonato, zoè di page 163 di Marco da Novara, qual havia 13 di più di quello li fo dato di 150, et Zorzi todesco page 50, qual ha altre 50 a Corfù. Tutta bella compagnia per page da guazo; ne cassai alcuni, et la matina referiti in collegio la condition lhoro.
     
      [1499 02 12]A dì 12 fevrer marti di carlevar, in collegio non [430] fo il principe per non si sentir bene.