Et haver dal sanzacho di la Valona di l'armada facea, et la Signoria li havia concesso il porto di Brandizo; pertanto soa majestà voria saper la verità e l'ajuto li vol dar. E lui li havia risposto creder la Signoria non vorà dar il porto. Et che il corpo e zà aviato a Leze.
     
      Da Milan di l'orator, di 8. Come havia exposto al signor ducha quanto la Signoria li havia scritto a dì 5, el qual li dete benigna audientia. Et poi li disse: non era per manchar di la pristina filial divoctiom e desiderava viver; et essendo questi do stadi accompagnadi, di nulla temeva; né havia fatto quello ha fato per altro che per il rispetto di la sigurtà di le cosse sue, e mai non li era stà dito il modo di l'acordo si tratava; li ricresse il revocar dil secretario di Ferara, et ha mandà Paulo Bilia a Ferara per coadjuvar a l'impresa; et lui ha ritrato le zente d'arme sue di Toschana, resta solum 100 homini d'arme, e al [431] dispeto di chi non vol desidera esser bon fiol di la Signoria; et che volea esser altra hora con esso orator per saper quid fiendum zercha lo adatamento di Pisa; et li disse che non spazasse le lettere, che doman saria con lui. Et come havia tenuto la lettera fin 9 da matina. Et il ducha li mandò a dir che la luna era intrata in combustion, et non vol dir nulla, ma desidera catar qualche sesto, et che in questo mezo spazasse le sue lettere: et questo è tutto il successo.
     
      Di domino Thadio da la Motella, de 8. Come il marchese di Mantoa feva cavalchar balestrieri a cavallo contra il conte di Pitiano prima, ma hora non li vol mandar, per non esser obligà; et à scritto al ducha di Milan et a Zorzi Brognolo suo orator, li mostrò la lettera, che 'l non vol smembrar la zente, ma cavalcherà in persona, et perché pasando Bologna è uno capitolo che dia aver la mità dil soldo, et par il ducha li ha risposto non vol il cavalchi ma che 'l rompi a la Signoria nostra in brexana, et il marchexe li ha risposto non voler romper se prima lui non rompa in Lombardia.