Item, fo messo per li savii di scriver a li oratori nostri in Franza di le cosse di Pisa e dil venir qui [459] fa il ducha di Ferrara per acordar. Et alcuni di savii volea che acadendo parlar di Pisa dicessero questo al re, et sier Paulo Barbo consejer volea indusiar; fo disputation, parloe esso sier Polo Barbo, sier Marchiò Trivixam per la soa et sier Beneto Zustignan; fo posto de indusiar; et fo preso l'indusiar di longo, zoè 11 non sincere, di no 3, di savii dictum fuit 24, dil consejo 43, de l'indusiar 109.
     
      Item, fo messo, per li savii dil consejo, terraferma et ordini, di scrivere a sier Andrea Zanchani, orator nostro va al Signor turcho, debbi avisar il Turcho di questa liga la quale era fatta per mantenir la bona paxe haveamo con lui; et fo scritto a sier Andrea Griti a Costantinopoli, non essendo ivi ditto orator, dovesse dar a li bassà tal aviso; et ave tutto el consejo; et fono espediti gripi a Corfù acciò per terra la mandi.
     
      [1499 02 21]A dì 21 fevrer. In collegio. Vene sier Lunardo Vendramin, qual era grosso debitor a le raxon nuove di ducati 12 milia et più, et etiam li Grimani per il desbolar di la botega, et fono alditi sier Tomà Donado e sier Andrea Bon exatori al dito ufficio, e in fine nulla fo terminato, et fo disputation; et sier Polo Barbo consejer licet contra altri fusse terribele, tamen per esser amico e parente del Vendramin lo favorizoe.
     
      Vene domino Jacomo da Nolla, secretario dil conte di Pitiano, qual per nome dil suo conte governador si alegroe di la liga fata.