Item, al gran contestabile et il ducha di Nazara per riconsiliarli, è stà per quelli catholici re tolti tre castelli a ditto contestabile et uno al ducha di Nazara, quali tieneno in deposito [461] fino si adatino insieme. Item, esso orator solicita la materia di arzenti in Saragoza, acciò non pagi il piezo. Item, non à credito di danari se non per mexi 16, et va lontan andando la corte in Sibilia, ergo etc.
     
      In questa matina in Rialto, per li consejeri fono incantade le galie di Fiandra. La prima have sier Piero Trivixam q. Andrea da la dressa per L. 7, ducati 3; la segonda sier Fantim Querini q. sier Anzolo per sier Federigo Contarini q, sier Ambruoso per L. 33, ducati 1; la terza per sier Vincivera Querini q. sier Pelegrim, per L. 44, et la tolse con opinione de vadagnar dagandola ad altri, tamen nulla fece e fo reincantata a suo danno; etiam quella di sier Piero Trevixan, per no aver dato bona piezeria, cazete in pregadi et fo reincantada, come dirò a loco suo.
     
      Da poi disnar fo pregadi, et essendo suso, vene queste lettere di rectori di Padoa. Come domino Piero Barozi episcopo de lì, era debitore di la camera per decime ducati 900. Li ha mandato a dir dagi qualche parte. Risponde non haver.
     
      Di Lendenara di sier Vetor Pisani podestà. Contra el podestà e capitanio di Ruigo, dolendosi vol fare etc. ut patet.
     
      Da Ruigo di sier Marco Justinian podestà e capitanio, di 20. Scrive haver fato 100 guastadori compartiti sul Polesine, zoè 17 a la Badia, 25 a Lendenara et 68 a Ruigo, li darà in campo uno marcello per uno.