Ex Tininio, feria secunda proxima post praedictum festum purificationis Beatae Virginis. Anno nonagesimo nono.
      Subscriptio erat. Johannes Corvinus Oppaviae et Liptomiae dux ac regnorum Dalmatiae et Croaciae et Sclavoniae banus.
      A tergo. Spectabilibus dominis rectoribus Jadrae amicis nobis plurimum honorandis. Exercitum turcorum qui in territorium sibenicensem derobaverat, debelaverunt in festo purificationis Beatae Virginis, et aliud exercitum qui districtum Operpimige similiter derobaverat, eodem modo debelaverunt, die dominico proxime sequenti predicti festi, videlicet purificationis.
     
      In questa matina fossemo con li deputati a San Zane Polo al bersajo per fare li balestrieri di le [467] galie dil trafego, et era consejer sier Bortolo Vituri da basso, qual non volse zurar di non esser stà pregato, adeo ritornati in collegio fo iterum butà le tessere et tocḥ a sier Francesco Foscarini consejer, sier Marchio Trivisan savio dil consejo, sier Domenego Trivixan el cavalier avogador di comun: qual non balotà, sier Polo Pixani el dotor savio a terra ferma, sier Nicola Bondimier cao di 40, sier Marin Sanudo savio ai ordeni, sier Antonio Diedo capitano et sier Francesco da cha Tajapiera pagador a l'armamento. Et cusś andassemo. Da poi disnar, fono balotati et fati trar prima le maistranze, poi li altri, dato il sacramento per l'avogador juxta la leze, et cadauno messi li soi.
     
      Qui è posto per eror in collegio domenega vene l'orator di Napoli, esponendo haver lettera di la rezina vechia per Andrea uno di Piero, qual era venuto a Monopoli per comprar ojo et il proveditor l'havia fatto retenir per maran e toltoli ducati 800 era di la majestà de la regina; prega sia provisto: et cusś fu scrito a sier Tomà Lion proveditor nostro che lo dovesse relasar.