Poi disse mio fiolo misier Hanibal non pol esser expedito, nì haver danari; et lui secretario conforta la Signoria a non mostrar, ma cessate l'arme retribuir a tutti secondo li meriti. Item, era passato 80 balestrieri, et 94 di la guardia dil ducha di Milan sono andati presso Imola, etiam, ne dia vegnir 100 di Mantoa, che si aspeta. Item, disnando ha ricevuto nostre lettere di la liga conclusa, abuto gran piacer, et si aliegra et andoe da misier Zuane, dove era il capitano di le zente duchesche, et li disse tal nova et fè lezer davanti lui la lettera; esso misier Zuane si alegra con la Signoria, doman sarà col rezimento.
     
      Da Roma di l'orator, do lettere, di 19. La prima fata a hore 15 zercha li fanti spagnoli. Per il cardinal di Medici ne ha fato zercha 650, et Moderano spagnol partì con 60 fanti et à dato al cardinal ducati 150 per compir di far il resto, et questi li à costà ducati 660, et tolse li 150 ducati a cambio. Cabriel di Agustim di Sandro li fè lettere di cambio, prega sia satisfato. Item, ozi è terzo zorno che 'l cardinal Sanseverin in caxa levò bancho per dar danari per far fanti per fiorentini, ne ha fato solum 80 si dice per mandar verso Siena in ajuto di Pandolpho che teme di novità, maxime venendo il conte di Pitiano, e teme non parturissa qualcossa a lui contraria. Et Paulo Orsino li ha dito il re Fedrico aver dato licentia al signor Fabricio Colona, qual si parte, per acordarsi con fiorentini, et abuto da Ascanio ducati 4000. Et il papa li ha dito ajuteria la Signoria o per via di Perosa o altrove, si havesse risposta; et il cardinal Borgia questo medemo li ha ditto; et vol mandar a la Signoria nostra domino Francisco Brevio episcopo di Ceneda, qual vien al suo vescoado; li ha comesso saluti la Signoria nome suo et li ricomanda non sia extrusià da' laici.