Vene il cavalier Orsino per nome del signor Bortolo d'Alviano con lettere di credenza; dimandoe la sua compagnia fusse ben refata; et li fo deto bone parole per il principe si faria.
     
      Vene l'orator di Urbim. Il ducha recevete lettera nostra che piaceva lui fusse partito da Bibiena e che oferiva il stato etc. Poi dito orator disse havia fato questo, se li soi restassero in Bibiena, li facea perpetua immunità a cadauno, et cresuto provisione a domino Zuan Batista Carazolo, siché fa il dover. Fo ringratiato dal principe di tal bone opere.
     
      Vene Zuan Alberto di la Pigna con lettere dil signor ducha a lui drizate da Ferrara di 26, le qual le trovò in Corbole. Dice come fiorentini, inteso la liga, feno sorastar la venuta di soi oratori, dicendo non sarà la Signoria di quel voler etc. Et esso ducha per stafeta li mandò a dir la Signoria nostra era di quel animo e ben disposta, unde verano, e zonti lì, subito si partirà per venir qui. Et esser zonto a Ferrara domino Leonardo Bota, orator de Milan per venir con lui. El principe li rispose esser la Signoria [485] nostra di la bona mente e disposition come mai, e come el vegnirà saria el ben venuto, et che il scalco di soa excellentia era a Chioza e cussì il nostro di le raxon vechie. E poi Zuam Alberto disse el ducha de Milan haver scrito a l'orator suo, è qui: come volea mandar misier Marchesin Stanga, ma mandava questo misier Lodovico Bota per dar più reputation. Tamen, che esso episcopo fusse quello etc. Et à mandà a Fiorenza misier Galeazo Visconti aziò non si parti fin non si concludi de qui ditto acordo.