Di Placidio di 3 da Villanuova, drizate a Zuam Dolze, secretario nostro. Come misier Zuam Jacomo ha lettere dil comissario dil re, di 27 dil passato: che il campo potentissimo di la liga grisa era a Bregezo soto San Petro, el haver dato rota al re di romani di 3000 persone, preso la bandiera di Ulmo et 4 falconeti, e ditto campo esser ritornà soto San Petro, et quelli di la cha di Dio sono in Venosa; et monsignor di Coyra avisa il signor misier Zuan Jacomo esser stà bene, haver mandato le artilarie; e ringratia assai per nome di quella liga, et questo fo il mercore avanti di 27 fevrer; et che li danari li ha [504] mandà misier Zuam Jacomo è stà in proposito e voleno andar a campo a Fustimburg. Item, come el signor misier Zuan Jacomo have la lettera di la Signoria nostra di la liga; era col consejo regio di Aste, non la fè lezer a nium, solo a Placido la mostṛ, et si cambị di color, et solo fo per il basso titolo li era dato magnifico equiti, et dice il re di Franza li dà titolo de illustre, ergo etc. Et la matina poi, leto dita lettera in collegio, fo terminato de caetero dirli illustri et potenti domino Joanne Jacobo Triulzi, etc.
     
      Da Ravena dil podestà, di 7. De li gran fastidii li dà li condutieri, sono ĺ, dicendo non haver danari, et noviter la compagnia dil Manfron.
      Da Parenzo di sier Hironimo Bondimier podestà. Dice haver honorato questo orator dil Turcho, per haver auto lettere di rectori di Zara.
     
      Da Cataro di sier Francesco Querini rector e proveditor, di 11 et 12 fevrer.