Item, consejano lì si fazi la [510] forteza. Et sier Nicolò Dolfin syndaco solo, da Monopoli scrisse: come havia ricevuto lettere da la Signoria zercha certi danari de' ebrei, abuti per sier Alvise Loredam olim governador, li manda l'inventario di le robe, danari, zoje et anelli; et ha inquirito a Molla et lì, insumma auto forsi ducati 600 et il resto fin lire 100 di grossi è de qui. Et la moglie sua ebbe ducati 75 lui unde era processo in sustancia quasi dicat lo intromesso.
     
      Da Padoa di rectori, di 10. Zercha domino Ambrosio Bernardo di sier Lorenzo comendatario di l'Abacia di la Vangadiza sul Polesene etc. Per certa diferentia ha con sier Hironimo Capelo da Verona.
     
      Noto. La Signoria nostra in questi giorni ordinoe fusse facto oration per li monasterii, et ozi fo mandato a dir al patriarcha di Castello dovesse ordinar per tutte le chiesie fusse fato oration.
     
      Da poi disnar fo collegio et li savii si reduseno a consultar. È da saper eri matina in collegio fo terminà andar drio armando, et fo balotà il resto di danari per armar, sier Antonio da Canal sopracomito; perhò che una galia sotil costa al presente ad armarla ducati ... Item, fo balotà ducati 1000 per Ravena da dar a quelle zente d'arme, et fu scrito al podestà se li mandava.
     
      [1499 03 12]A dì 12 marzo. In collegio per la Signoria col principe fono aldite le diferentie di le banche di la becharia, che sono in tutte 86: zoè Albertin da Coloredo et Galasso da Carpi contra i fioli fo de sier Nicolò Donado cognominato da la becharia, quali havevano auto assa' banche, et questi che manteniva in hordine la becharia di carne ne haveva auto poche; et aldido sier Antonio Calbo avogador, per il desordine seguite a la ballotation, et etiam li governadori di l'intrada, unde fo terminato remediarli.