Da cità de Tremuli di sier Francesco Morexini dotor orator nostro apresso il re di Napoli. Come eri a hore 20 ricevete nostre lettere con l'aviso di la liga fata. Fu a la majestà del re et li disse: Spem vultu simulat premit alta corde doloris, et mostrò soa majestà di alegrarsi; poi dice heu quam difficile simulare vultu, adeo rimase tutto suspeso: et in vero non la sapea prima. Poi vene l'orator milanese et lo agente di monsignor Ascanio, steteno col re lhoro in coloquio fin hore do di note. Item, come quella matina si partivano per andar a Capriola verso Andre etc.
     
      Da Bologna dil secretario, di 10. Le qual lettere non fu lete per non esser cossa nulla di novo. Etiam di Chioza è nulla; avisava dil ducha.
     
      In questo pregadi fo messo parte, per li savii, di dar licentia a do di tre oratori sono in Franza et l'altro resti de lì, zoè che ozi in questo consejo siano balotati tutti tre, et chi haverà più balote debbi restar: et che 'l primo consejo di pregadi si eleza uno altro orator in Franza in loco di quel restarà, con cavali 16 et do stafieri et il nodaro di la canzelaria: s'intendi in ditto numero non possi refudar sotto pena di ducati 500 oltra le altre pene; et have 6 balote di no e tutto il resto dil consejo fu di la parte, et fono balotadi li 3 come apar qui sotto:
     
      Sier Nicolò Michiel doctor e cavalier 45 - 144
      Sier Hironimo Zorzi el cavalier 61 - 120
      Sier Antonio Loredam el cavalier 130 - 36
     
      Item, fu posto per el principe, consejeri, cai di 40, savii di ferra ferma e savii dil consejo, che doveva dir prima: che atento il desordene seguido ne la balotation dil collegio, in risposta nel dar di le banche di la becharia, la qual balotation è stà taiata, et per tanto sia preso che ditta balotation de caetero sia fata nel collegio nostro, con il principe, consejeri, cai di 40 savii di terraferma e di l'altra, li governadori, proveditori di comun etc.