Item, che Achiles Tiberti con certi balestrieri, andando esso signor a la caza, lo volse noviter farlo amazar, praeterea dimandò una lettera di passo per alcune robe et lavori li veniva de Milano, demum ringracia la Signoria di la referma di la conduta data sponte, et dice che havendo il signor suo a dì 7 lujo anni 25 et esser mutato di costume voria agumento, e di questo dimostroe e dete una lettera a la Signoria nostra directa da esso signor in questa substantia che ha 10 milia ducati, voria più, e più cavali perché ne ha solum 400, et che ha gran fede, e voria esser experimentà, et che li restava haver ducati 7000, voria esser satisfato con credito, zoè fusse promesso ducati 1000 al papa per il censo et ducati 700 a Bortolo Nerli a pagarli termine uno anno, qual ha il suo colar pegno, et darli stera 1000 formento a questo conto a esso signor, et una paga, zoè ducati 300 contadi. Li fo risposto per il principe si conseierà.
     
      Noto. In questi zorni vene in questa terra privato el reverendissimo cardinal Grimani, patriarca di Aquileja, stato fin hora in la patria, alozoe a caxa dil padre, et partite per Roma.
     
      Item, fo scritto per collegio in Candia per l'arsil di sier Batista Polani, qual va ala Canea, che bisognando lo dovesse armar lì. Et sier Marco Antonio Contarini sopracomito era in hordine, questa note dovia partir, e tutavia sier Antonio di Canal si arma.
     
      Da Milan di oratori, di 11. Come el ducha li havia deto che mercore li oratori fiorentini [519] partiteno da Fiorenza, et che a dì 12 il ducha di Ferrara con lhoro doveano montar in nave per Venetia.