Item, non poterunt praefati christianissimus rex et illustrissimus dux et dominium Venetiarum facere aut inire pacem vel treguas cum praedicto domino Ludovico, aut alio seu aliis contra quos moverint bellum, communi consensu, nisi hoc fiat etiam communi eorum consensu accedente. Nec poterunt praefati christianissimus rex et excelsum Venetorum dominus cum aliquo principe aut comunitate facere pacem, inducias, aut treguas seu alium tractatum, sino expressa et specifica denominatione alterius tanquam amici et confoederati.
      Item, si contingeret regem romanorum movere bellum seu inferre arma praefato christianissimo regi aut subditis suis, propter quod ipse christianissimus non posset ita prompte dare operam, seu intendere ad recuperationem dicti ducatus Mediolani, praefatum Venetum dominium, quam primum fuerit ad hoc a majestati regia requisitum, tenebitur facere et rumpere guerram praefato domino Ludovico, suis sumptibus et expensis, cum numero armatorum et peditum superius designato, tamdiu quamdiu praefatum rex romanorum inferret bellum praefato christianissimo. Qui quidem christianissimus etiam tenebitur eodem tempore movere guerram praefato domino Ludovico, cum tali numero gentium quod commode poterit, consideratis negotiis quibus tunc sua celsitudo implicabitur, ita tamen quod dictus numerus sit sufficiens ad faciendam guerram dicto domino Ludovico. Et similiter, si contingeret praedictu regem romanorum, post publicationem hujus foederis inferre bellum praefato illustrissimo Venetorum dominio aut subditis illius, hoc in casu dictus christianissimus rex dabit effectualiter praefato dominio omne bonum et legalem auxilium contra ipsum regem romanorum, prout melius et expedientius erit.