Et da mò sia preso debi andar poi fato pasqua con li presenti parerà al collegio, et sia vestito il suo schiavo è qui come parerà al collegio; et fo azonto che debi poi andar a visitar Scander bassà, vien in Bosina, e si li fazi parte come aparerà. Et fo lete le 4 lettere. El schiavo nome Mirachi Bixnach dice di tre homini marcovichi morti per quelli di Antinari, è una femina graveda et 10 feridi in quella custion. Et cussì ditta parte have tutto il consejo.
     
      Item, fo messo, per sier Polo Barbo consejer e sier Polo Pixani el cavalier savio a terraferma, sier Marco da Molin, sier Faustin Barbo, sier Vetor [539] Capello e sier Zuam Moro savii ai ordeni, di levar la parte di vini di Candia. Et sier Marco Mozenigo procurator, sier Costantin di Prioli, sier Zuam Morexini, sier Marchiò Trevixan e sier Lodovico Loredam procurator, savii del consejo, sier Marco Zorzi e sier Alvixe Venier e sier Alvise da Molin savii a terraferma, et io Marin Sanudo savio ai ordeni: che 'l sia scritto al re di Inghilterra debi levar la angaria posta, e levata quella si intendi anullà ditta parte di vini, con questo le nave debino venir con lettere di soi re e signori consoli. Et mandate queste do parte; parlò sier Polo Barbo, poi sier Costantim di Prioli, poi contra tutte do sier Lunardo Grimani, poi sier Nadal Nadal per candioti, dicendo era stà consejer in Candia, et Candia si have 1207 et 1280 rebellò et fo do rebelion: fo mandà 72 caxade su quella ixola, et fono electi 12 zentilhomeni a partir le cavalarie, et la Signoria si reservò dal Tartajo a la Fraschia.