Et ussiti di chiesia driedo la procession come fono el principe a la piera dil bando, la qual è di porfido, si astaloe, et ivi fo publicata la liga, per Batista comandador, qual era vestito di seda, et per Gasparo Dalla Vedoa. Lecto, la qual sarà scrita qui soto, et [549] il schiavo dil sanzacho era sopra la chiesia con Alvise Sagudino. Et è da saper che il stendardo dil principe che era ivi sopra la chiesia dove fo publichà a ponto a quel canton dal vento grande si strazò un pezo, et alcuni tolse per mal agurio, e cussì sonando campane fo compito la procession; et per tutta la terra questo zorno fo sonà campanon, et poi disnar fo predichato a San Marcho per el predichator di eri di San Zane Polo: el principe, et el ducha vi fue.
     
     
      Le parole fono ditte in la publication.
     
      El serenissimo et eccelentissimo principe nostro domino Agustino Barbarigo a tutti dechiara et fa manifesto che, nel nome del Supremo Creatore e de la gloriosissima madre Vergine Maria, de misier San Marco protetor nostro et de tuta la corte celestiale: intra el sapientissimo et serenissimo Lodovico de questo nome XII, per la Dio gratia re di Franza et esso nostro illustrissimo et eccelentissimo principe et inclita Signoria nostra et i successori, adherenti et ricomandati de cadauna de le parte, a dì 9 del mexe di febraro proxime preterito in Anger, per mezo dei nobeli homini Hironimo Zorzi, Nicolò Michiel dotor et Antonio Loredam cavalieri oratori nostri, felicemente è stà conclusa, facta et firmata bona vera valida et perfecta pace, amicitia, confederation et liga perpetuis temporibus duratura, ad honor del signor nostro Dio benefico, et comodo de esse parte adherenti, ricomandati et subditi suoi: la qual confederation et liga è stà deliberato che in questo zorno per tuto el dominio di le parte predicte solennemente publicar se debia, a gaudio universal di tuti, et viva San Marco.