Et havia hauto lettere dil ducha d'Urbin di 17 che comandava a li soi soto pena di la sua disgracia ubedisano in tutto esso proveditor; et che li havia dito quella note andasseno la mità fuori di Bibiena, e l'altra mità di esse zente, zoè balestrieri e parte di homini d'arme, restasseno; e questo per poter haver, con le vituarie poche hanno; et lhoro dicono non voler andar la mità; siché non vedeva altro remedio che alezerirsi, acciò le vituarie duraseno fino a pasqua et forsi ancora fin l'altra setimana.
     
      Da Pisa di proveditori, di 19. Come per remediar a le zente d'arme a li cridori faceano, voleano dar ducati do et uno sacho de grano per uno, per sovention. Et che non hanno voluto tuor el principe don Ferante, fiol dil ducha di Ferrara, dicendo non esser ubligà a mostra. Item, stratioti son partiti per [552] Lucha, non sanno si ritornerà; et era tornato Lucha Tazi et altri stratioti, si disolve. Item, quel zorno era comparso do galie sotil et 4 di Napoli, voltizando fora le Foze, poi se levono e andono in canal di Piombin, driedo una nave à fato danno a navilii zenovesi, et hanno fato bona compagnia a le barche nostre venivano lì in la Foze; et che quelli galioti erano desperati, voleano venir per terra a la Signoria nostra alcuni per intender si se vol che i morano lì, opur debino partirsi perché non hanno da viver. Il morbo è a Cassina: è morto 8, over 10, et novamente erano morti alcuni et do stratioti.
     
      Di sier Vicenzo Valier, di 19, a la Signoria. In materia di stratioti, et che a Lucha hanno auto ducati 5 1/2 per uno, e mandati verso Pistoja.