In questo pregadi fu fato scrutinio, et electi 3 savii dil consejo in luogo di sier Nicolò Mocenigo procurator, sier Zuam Morexini, sier Lonardo Loredam procurator, che hanno compito per tutto questo mexe; et rimaseno: primo sier Antonio Grimani procurator fo savio dil consejo, sier Filippo Trum procurator fo savio del consejo, et sier Nicolò Foscarini fo capitano a Verona, nuovo di 5 balote da sier Domenego Marin fo capitano a Padoa. Et tre savii di terra ferma, in luogo de sier Marco Zorzi, sier Bartolomeo Zustignam et sier [555] Alvixe da Molin, che compieno, et rimase sier Zorzi Corner el cavalier fo savio a terra ferma, sier Marco Sanudo fo savio a terra ferma; et sier Francesco Trum fo savio a terra ferma, fu soto sier Lorenzo Zustignan era proveditor in capo.
     
      Fo messo parte, per li savii dil consejo e di terra ferma, di scriver a li oratori nostri in Franza do lettere, per una fata, data a dì 20, avisar dil zonzer qui dil ducha di Ferrara, l'altra di la publication di la liga con gran triumpho presente el ducha e li oratori, et darli aviso di le cosse e nove dil Turcho, et che presto si saperà il vero per l'orator nostro qual zà dia esser zonto, et che sia dato a li do oratori licentia di venir via. Et sier Antonio Loredam resti ivi, et sier Polo Barbo et sier Marco Antonio Morexini el cavalier consejeri voleano seguir come el facea grande armata. Or fo gran disputation. Parloe sier Beneto Trivixan el cavalier contra tute do le parte, poi sier Marco Antonio Morexini el cavalier, qual tolse la volta a sier Zuam Morexini savio dil consejo, poi sier Antonio Grimani procurator contra tute do le parte, dicendo: scrivendo si voleva disfar la liga, poi parlò sier Polo Pixani el cavalier savio a terra ferma; et andate le parte 3 non sincere, 28 di no, 16 di do consejeri, 150 di li savii, et fu presa: et cussì fo terminato e preso mandar li sumarii di le nove dil Turcho.