Et cussì a Bibiena confortando il star ivi. Item, vene lettere di Roma, di 24, et di Napoli, di 16, etc.
     
      Noto. Come eri da matina ai frati minori el reverendo domino Francisco Saxom, di età di anni ... [562] general di tutto l'hordine, zoè el zuoba santo, disse la messa e comunichò li frati; et el Trombeta, leze a Padoa, disse lo evangelio, et Marco Cabriel, veneto, disse la epistola, siché fo bel veder e assa' devotion.
     
     
      [1499 03 30]A dì 30 marzo. Sabado santo. Da poi la messa el collegio si redusse. Et vene misier Zuam Lucha da Pontremolo, per nome dil ducha di Ferrara, qual sentato apresso il principe disse: come fiorentini haveano fato el compromesso nel signor suo, zoè era fato a Fiorenza in comissione a dì 25 marzo per li 10 di la bailia, et erano solum 8 sottoscriti; et questo per mexi 2 durasse. Et poi fo leto il nostro qual era stà fato per Gasparo da la Vedoa et Bernardim di Ambrosii zeneral, che li dà termine 15 zorni, et quel di fiorentini è stà fato per Antonio q. Joanne Valense secretario de' fiorentini; et nomina li oratori Zuam Batista di Alvise Redolfi et Paulo Anton Soderini q. sier Thomà. Et fu posto hordine poi disnar facesse venir qui li oratori fiorentini a pregar il compromesso.
     
      Vene Bortolo Rozom secretario dil ducha di Milan, qual era ritornato da Milan, et portoe lettere di credenza dil suo signor, di 25, et expose la bona mente dil signor suo, et quello havia operato et vol viver e morir unido con la Signoria nostra. Et per il principe li fo risposto ringratiando il ducha etc.