Come agnelini erano retenti, et quelli dil re fati più forti per haver ajuto da le terre franche, et il re ha venduto Nomi a Pelegrin di Piero Buso citadim di Trento per raynes 9000, et eri dovea tuor il possesso dil luogo.
     
      Da Bassam, di sier Alvise Lion podestà e capitano. Avisa di do april haver nova sguizari e agnelini haver fato comandamento a li soi vadino, termene a dì 15 di questo, in campo. Item, alcune altre novità di sguizari, et esser a campo a una terra chiamata Costanza dil re di romani etc.
     
      Da Castel Delze di proveditori di 2. Come quel Donino dil ducha di Urbin era in Bibiena fu preso da inimici, et che in Bibiena hanno vituarie per tuta setimana; et che li di campo li fanti erano partiti restati solum 800 spagnoli; ha dato ducati 200 haveano, et 200 tolti in prestedo, et li hanno fato lettere di cambio in la Signoria nostra di ducati 2500 e più, dia vegnir a tuorli, conforta se li dagi bone parole, et li hanno mandati a li lochi dove erano fanti italiani e quelli di Monte Alboto erano tutti partiti. Etiam da' inimici fanti fugivano, et il conte di Sojano dimanda fanti, dubita di la madona di Forlì et non hanno socorso, è in lochi disperadi.
     
      Da Pisa, di sier Domenego Malipiero proveditor di 12 marzo, drizata a li cai di X et ozi leta in collegio. Come quelle galie stanno mal.
     
      Da Berna. Una lettera a la Signoria nostra come replichano di haver danari per la parte a nui aspetante, qual prima scrisse.
     
      Da Mestre. Di sier Andrea Foscarini podestà e capitano: zercha haver fato far graizi per le nave, juxta le lettere che li fo scrite, e li manderà.