Item, laudamus et volumus ac decernimus ut pisanis liceat terra marique negotiari, naves construere et habere, navigare ad Liburni portum aditum, habere artes quascumque et negociationes exercere, etiam pannorum cujuscumque qualitatis, etiam serici, quemadmodum etiam ipsi florentini facere possunt. Nec propterea majoribus oneribus gravari debeant, quae florentini talia exercentes.
      Pisanis etiam facultatem concedimus eligendi praetorem, qui in civilibus causis jus dicat in prima instantia, tantum causis appellationum magistratui per dominos florentinos mittendo reservatis; quae tantum praetoris electio per ipsos pisanos fieri debeat ex loco dominis florentinis non suspecto, cui quidem praetori in civilibus causis eam jurisdictionem competere declaramus in urbe et territorio pisanorum, quam ante defectionem exercebat.
      Et ut omni suspicione pisanos liberemus, arbitramur et laudamus, ut capitaneus per excelsa rempublicam florentinam in civitate pisanorum juridicendo in criminalibus preficietur, ubi de poena sanguinis, exilii, aut bonorum confiscantione civium pisanorum tractari contingerit, procedere, judicare et exequi teneatur cum consilio assessoris, ex dominio nostro eligendi, hoc modo videlicet quod nominatis per pisanos quinque jureconsultis praefati dominii nostri, unus ex eis qui nobis et successoribus nostris idoneus et magis sufficiens videatur, ad dictum capitaneum trasmittatur.
      Addiscientes quod pro cautione et securitate pisanorum in praemissis custodia fortiliciorum dictae civitatis pisarum et locorum in territorio ejusdem quae per eos in praesentiarum aut ipsorum nomine teneatur, ipsis pisanis relinquatur, ea tamen lege ut ex pisanis custodes eligantur, vel aliunde ex personis quae dominis florentinis nequaque fiat suspecte; quibus quidem custodibus, praetori et assessori de mercede et salario per dominos florentinos eo modo satisfieri debeat ex introitibus et reditibus pisarum quo ante defectionem solvi consueverat, aut pro solutione usque ad summam consuetam sufficiens dictorum redituum quantitas pisanis assignari, cum mentis nostrae sit, ut dicta fortilicia non majore numero personarum nec majore expensa quam ante defectionem custodiantur.