Or sier Polo Barbo et sier Marco Antonio Morexini consejeri ne era contrarii, etiam il principe: unde io Marin Sanudo andai in renga, dolendomi di questo torto e non contradicendo a le decime: et poi el principe me rispose dicendo non potevamo poner angarie ma ben cosse da mar, et dissi volea meter di far capitano zeneral, et tutto il pregadi li piaque. Or durum est contra stimulum calcitrare andò la parte senza il nostro nome; tamen de caetero in ogni cossa fossemo nominadi, come lezendo più avanti si vederà: ave una non sincere, 50 di no, 122 di la parte. E fu presa.
     
      Item, fo posto per li consejeri, cai di XL sier Constantin di Prioli savio dil consejo, savii a terra ferma e savii ai ordeni, la parte di levar il dacio di ducati 4 per bota a li vini di Candia; contradixe sier Antonio Grimani procurator savio dil consejo, et messe d'indusiar, non li fo contradito, andò la parte, have 5 non sincere, 3 di no, 73 di la parte di consejeri e savii, 90 di sier Antonio Grimani et questa fu presa, de indusiar.
     
      [603] Et fo comandà credenza soto pena di l'haver et di la persona la deliberation fata, fino sia dito al ducha di Ferrara, et etiam la parte di vini ch'era stà presa e la disputation, etc.
     
     
      Summario di le adizioni fatea la sententia per il ducha di Ferrara.
      A dì 7 april, domenega.
     
      Primo. Azonze al laudo che s'intendi luogi non sospeti: di la chiesia di esso ducha di Mantoa e di Bologna, et di questi pisani possino elezer il podestà e custodi di Pisa e teritorio, pur che non siano stipendiarii di altri.