Per tanto fate che non passano li ditti mesi cinque, che habiamo le do page, e da poi le ditte ne dagati ogni anno, et de anno in anno paga secondo usanza, et non passi uno anno l'altro, che se pagaremo de li consuli vostri: perhò fate del nostro scriver non vegna a mancho. Idio con vui; scrita nel mese le lachama dì 26, fu a dì 12 novembrio 1498.
     
     
      Copia di un'altra lettera, dil soldancon la oltra scritta soprascritta
     
      A vui amati et chari Andrea Venier, Bortolo da Pexaro e Ambroxo Contarini laudati nella cristianità, signori dilecti a la fede et signoria, molte salutation de la nostra Signoria. Ve avisemo come el quondam armirajo de Tripoli havea mandato con Matio Contarini cercha savoni fosche diese, et el ditto savon aspetta al thesoro nostro; e quando venne l'ambassador, comandò la signoria nostra fosse retenuto per el detto savon, fino siamo pagadi de quello; et entrò [615] Tangriverdim nostro caro turciman piezo de dicto ambasador, che in cinque mesi quando portarà le duo page, che ne deba portar o li danari o el savon, et sel fallirà se pageremo dei consuli. Per tanto fate quello ve scrivemo non vegna a mancho, che 'l porti ditto ambasador o li danari o el savon con le duo page. Idio vi conservi; scrite a 10 del mese dell'anno 94 de Machometh.
     
      La mansion. A li amati e chari et sapienti Andrea Venier, Bortolo da Pexaro et Ambroxo Contarini signori ne li cristiani, dilecti a la fede et signoria, che sono al regno de Cypro mandati da la Signoria di Venecia.
     
     
     
      Copia de la poliza del presente dil soldam