Item, come uno dil ducha di Alva et dil patriarcha di Alexandria vene a le man, sora vene molti, fono apizati insieme, et fo amazato don Alfonxo Pimela nipote dil ducha di Alva, e la sera il re tornato a caxa fè prender alcuni, poi bandizoe il fiol dil ducha di Alva, et don Piero di Vazam confinato per do anni in Medina, et questa cossa era stà stimà de lì di gran momento, e il gran contestabile, [619] el ducha preditto et altri: adeo è stà gran rumor et cossa di gran importantia in quel regno. Item, l'orator di Napoli abuto licentia si parte, restarà uno secretario suo fin verà l'altro orator. Et come a dì 6 dil mexe la corte si partì da Ochagna e vene lì a Madrid, et il terier di Saragosa dimandava li danari per il dacio di arzenti. Item, esso orator à inteso il licentiar dil nostro secretario di Zenoa, et scrive queste lettere per via di Roma.
     
      Da Padoa di sier Marco Bolani e sier Lucha Zen rectori. Dolendosi di sier Andrea Barbaro podestà di Campo San Piero che non vol lassar scuoder le decime su quella podesteria si non con li soi cavalieri, cossa nova; et li fo scrito dovesse lassar scuoder le decime.
     
      Da poi disnar fo gran consejo et fato scurtinio di capitano zeneral, el qual acciò tutto si vedi il scurtinio et consejo, sarà qui posto:
     
     
      Capetanio zeneral da mar per scurtinio.
     
      Sier Marchio Trivixam, fo capitano zeneral da mar, q. sier Polo 83
      Sier Hironimo Contarini, fo proveditor in armada, q. sier Moixè 18
      Sier Nicolò Foscarini, savio dil consejo, q. sier Nicolò, procurator 50