Tamen, parse al collegio non mandarli pro nunc.
     
      Item, fo expedita la comission di Alvise Sagudino, va al sanzacho di Scutari et debi veder di [630] tasentar le cosse con danari. Item, io aricordai la cossa scrita per il retor di Dulcigno zercha l'alborazo di la Bojana e ville voleva, et fu azonta in la comision.
     
      Item, fo parlato di mandar a tuor 200 homini in brexana et in bergamasca massime sul lago di Garda per armar le galie, le qual non si potevano cussì ben armar de qui, et fono fate le lettere.
     
      Vene li oratori fiorentini per li quali fono mandato; et per el principe li fo dito la nostra deliberation fata eri in pregadi di levar le zente confortando li soi signori far bona compagnia a' pisani. Item, di le robe fo tolte a Berga al fratello di sier Zuam Paulo Gradenigo qual havia salvo conduto, facesseno restituir. Item, di uno homo d'arme nostro chiamato Sebastiam di Faenza era retenuto in prexon per la madona di Forlì; et per preditti oratori fo risposto che di queste cosse scriverano a Fiorenza; et etiam lhoro aricordavano la Signoria nostra facesse, e aricordarsi a' pisani a voler star quieti e ubedir il lodo, et li fo ditto si faria. Et fo scrito a li provedadori nostri di Pisa per collegio dovesseno dir a' pisani e a quelli signori antiani volesseno star contenti a la sententia, perché il tempo e la dexterità conduceva il tutto a ben.
     
      Da Castel Delze di proveditori, di 14. Come haveano auto la risposta da la Piove, quali ringratia, et vene uno suo lì a dirli sospectava il star tanto, et volea replicar la intimation etc., ricomandando il suo patrom Paulo Vitelli, qual desidera una volta esser soto la Signoria, et che quello non havia fato era restato per l'honor suo, et haveano hauto il contento di mandar vituarie in Bibiena, zoè mulli 25 per la prima volta di vin, farine et carne.