Vene sier Albani Darmer patroni di la nave, dolendosi di sier Lodovico Grimani proveditor sora l'arsenal non li voleva dar una bombarda grossa, et al dito sier Lodovico preditto fo ordinato la ge sia data et expedì dil resto.
     
      Et fo ordinato di andar tre de nui savii ai ordeni al bersagio col pagador a l'armamento, a far li balestrieri di do galie sotil, zoè Mezo et Pasqualigo et butade le tessere tochò al Barbo, Trivixan et mi.
     
      Da Castel Delze di proveditori, di 20. Come li spagnoli erano venuti da lhoro a dirli gran cosse con brute parole, dicendo che la Signoria li havia ditto haver in campo ducati 50 milia, et non voler pagar lettere di cambio, et essi proveditori si [647] scusano, dice haver mandati i conti, et mandava Secondo Trivixan rasonato de qui con li conti, et dicono non haver danari, et fanno gran lamenti. Et di Bibiena hanno dal provedador li mandi più vivande poleno, et haver ricevuto lì 25 mulli cargi di vituarie, et voria trazer le artilarie senza mandar a dir altro a li comessari fiorentini, zoè di Bibiena.
     
      Da Ravena, dil podestà, di 22. Come era lì el signor Antonio Maria Ordelapho, qual moriva di fame, né si sa quello habi a far, et pregava la Signoria li mandasse danari, et etiam lui medemo scrisse a la Signoria.
     
      Da Brexa di rectori, di 22. In risposta de li 200 homeni mandati a tuor di riviera dil lago di Garda, scrivono li manderà, ma è pochi danari, voriano darli più danari per uno, acciò podesseno lassar a caxa qual cossa. Li fo rescrito dovesse dar ducati ... per uno con segurtà.