Fo consultà in collegio. Item, fo balotà ducati 100 per spexe dil Sagudino, va al sanzacho di Scutari, et ducati 100 di credito havia a le raxon nuove et ducati 50 a Jacomo di Tarsia per parte.
     
      Item, fo parlato di expedir el capitano zeneral et le 7 galie sotil dalmatine, fo spazà Jacomo Barbichi soracomito di Liesna; et fato le lettere a quel conte; et le decime havia scosso mal fin questo zorno, ducati 23 milia in zercha tra tutte do. El è da saper a dì 27, in collegio il capitano zeneral disse non haveva homini di armar, perhò richiedeva 4 libri con lui di la camera, do di Zara, Sibinico et Traù, per poter tuor homeni et pagar le refusure; sier Constantin di Priuli et sier Marchio Trivixan non volseno.
     
      [658] Da poi disnar fo collegio, li consejeri deteno audientia, et li savij se redusseno a consultar, et parlato zercha il dar di confederati a Franza et papa et il re di Spagna, Ingaltera et Portogallo, et etiam oltra li altri per recomandati Ancona et il conte di Sojano, tamen nihil conclusum; parlato in materia di trovar danari et vender li danari de li zudei et haver ducati 10 milia si dia haver dil banco di Garzoni. Item, far pagar li debitori, et poner decime. Item, zercha l'armar di le nave, et far disfar le barache, mandar barcaruoli di trageti su le galie, et altre cosse, et expedir Jacomo di Tarsia, qual era in quella dificultà di fanti provisionati. Et era venuto qui domino Nicolò di Monte Alboto, etiam ozi zonse el magnifico Piero di Medici ma non vene in collegio.