Et dice a Caomalio trovò l'orator nostro, vien dil Turcho. El qual fra Matio va in Franza a far armar 30 barze, et harà 4 nave et 6 galie, qualle havendo el gran maestro di Rodi li basta l'animo obstar a l'armata turchescha ch'è di velle 300, zoè 70 galie, 18 caravelle, 2 nave grosse, el resto velle fin a la ditta summa; et che verso el Caraman era adunato gran exercito, aspectando mandato. Item, dice dia vegnir de qui assa' danari di Franza, per mandarli con le galie da Baruto, a Rodi. Et poi ditto domino Andrea di Martini pregò la Signoria facesse comandamento a uno patron di nave, era sora porto, levasse uno passavolante che mandava a Rodi, et cussì fu fatto. Item, disse el ditto fra Matio non veniva a la Signoria per esser mal vestito; ozi si parte per Franza; et li havia ditto l'armada turchescha dovea ussir a dì 15 di questo mexe, zoè da poi fato el suo maradaman, zoè poi la luna overo la lhoro pasqua, et che Rodiani hanno vituarie, et stanno di bon animo. Or fono lecte ditte lettere, per una di 5 april, par habi ricevuto lettere dal prior di Hungaria, di la licentia data dil trar le bombarde de qui fate far; ringratia et si offerisse, et ait lignum in silva detulisse; in l'altra lettera veramente sarà qui sotto anotada, avisa dil Turcho.
     
     
      [666]Copia di una lettera scrita per il gran maistro di Rodi
      a la Signoria nostra.
     
      Serenissime princeps ac potentissime domine.
      Nudiustertius nuncius noster e Constantinopoli reversus est, qui bis tyrannum turcarum, postquam literas nostras ad eum datas reddidit et postquam ejus ad nos accepit, allocutus est, ac ejus manu deosculatus.