Item, andava a la porta, et ditto provedador dimandava munition e uno contenstabele con fanti. Item, ha nove di Ragusi che l'armata è per ussir et sono in fuga. Item, ditto sanzacho havia auto ordine che 'l prima mandato [674] venisse, dovesse andar a la porta. Or fo mandà li cani ozi a dicto provedador li mandasse a quel sanzacho, e scrito el Sagudino verà.
     
      Da poi disnar fo pregadi e fu letto la lettera dil gran maestro di Rodi.
     
      Di Arquà sul Polesene, di sier Nicolò Venier provedador, qual è col conte di Pitiano. Come era passato propinquo a Ferara, alozati in burchio, non li vene contra niun e fono mal visti, e per le rive di Po cridavano marzocho a la zapa, et poi passò per Ferara a Cona, horra niun li disse nulla se non el vice domino nostro sier Bernardo Bembo doctor et cavalier qual li vene contra, conclude Ferara à mal animo.
     
      È da saper doman parte la galia Leza, la barza dil capitano è soraporto et quella di D'Armer sarà fin tre zorni in hordine. Item, fo posto parte, per tutte tre man di savii justa il mio a ricordo, di tuor tutte queste nave come par in la poliza e darli danari di le cazude Monte vechio, et 25 per cento, et miera 4 di biscotto per cadauna, con ferma di mexi quatro, et quelli vorano aceptar damatina vengi in collegio, et debi esser in hordine fin 15 giorni: ave solum cinque balote di no.
     
     
      Con ducati 550 al mexe et homeni 110.
     
      La nave di sier Beneto Zustignam, q. sier Pangrati. La nave di sier Piero Malipiero e fioi, q. sier Stefano provedador.
      La nave di sier Francesco Malipiero, q. sier Perazi.