Come havia ricevuto nostre lettere facesse ritornar la galia Baxadona a Corfù, et cussì li ha fato conto, et lo lauda assai, pur voria sartie di aqua. Item, ricevute lettere di la liga fata con Franza, tamen non ha potuto exequir per non esser stà in tempo; et avisa non haver auto altre lettere che una a Cataro, et come chateria uno pasazo, et veria quam primum de qui.
     
      Da Caxopo, di sier Simon Guoro provedador di l'armada, date in galia, 23 april. Come ozi terzo giorno era zonto lì sier Antonio Zanchani, et havia auto lettere dil provedador nostro di Otranto, qual li scrive di 19, come intese quel populo di l'armada turchescha erano in gran teror. Et che non ha de lì, con li provisionati et quelli di la terra, homini boni 300, et che non era stà levà ancora il corpo di Gem sultan, perhò si armava a la Vallona; per tanto esso provedador Guoro, voleva andar fin a Otranto per conforto di quelli, et tornerà a Corfù. Item, era quattro zorni che sier Battista Polani, con l'arsil va in Candia, gionse lì, et poi partì.
     
      Da Nepanto, di sier Zuam Moro rector e provedador, di 16 april. Come avisava ea que decet reverentia, voria monitiom, e si avete per le corde e le balestre sono marze, e vol danari per i soldati.
     
      Di Modom, di sier Nicolò da cha da Pexaro provedador di l'armada, do lettere di 14 april. Come havia ricevuto stera 2000 formenti, zonti lì, tolti per bisogno di la terra; e manda lettere venute di Cypro con uno bregantin: avisa le nove di turchi, et che 15 [685] milia erano a Seleffa.