Et per il principe li fo risposto si consejeria et risponderia; et iterum lo acompagnassemo fino a la barcha, dal qual inter loquendum intisi come il re di romani havia guerra col ducha di Geler cugnato dil ducha di Lorena, qual non ha fioli et era in campo, et manchava tre terre, zoè: Numega, Raymonda et Arne; et che Ruberto de la Marchia era capitano dil re di Franza contra el preditto re, qual voria romper sul contà di Fereto. Item, dimandato dil cugnato dil marchexe di Mantoa, mi disse era el ducha di Vertimberg qual morse, et noviter il fradel signorizando have a far con uno puto, cossa molto abominevole in Alemagna et li populi li fo contra, et lui fuzite.
     
      Da poi disnar, el principe justa il consueto fu con le cerimonie et li oratori in chiesia a vespero et sté su el pergolo di porphido, et portò la spada sier ... fo suo compagno ...
     
     
      [695][1499 05 09]
      A dì 9 mazo. Fo il zorno di la Sensa. Collegio non si redusse. Et il principe more solito andò nel bucintoro a sposar il mar fuora di do castelli, et poi a messa a San Nicolò; et era questi oratori: dil re di Napoli, uno de Milan, do di fiorentini, quel di Ferrara novo et quel di Monferà, domino Marco Malipiero comandator di Cypri, el signor Carlo Orsino, et el signor Bortolo d'Alviano, etiam era l'orator di Rimano che per inavertentia a loco suo non ho posto. Portò la spada sier ... fo suo compagno sier ... et poi tornati a San Marco el principe fè il suo pasto.
     
      In questo zorno gionse sier Andrea Zanchani, vien orator dil Turcho con do gripi, et andoe a dismontar, et la sera fo dal principe.