Idio priego che ci ajuti, et non riguardi a li pecati nostri.
     
     
      Copia di una lettera scrittaper sier Tomado di Franceschi,
      a dì 24 april da Modom,
      al reverendissimo monsignor suo fradelovescovo de la Zefalonia et Zante
      et recevuta al Zante a dì 29 ditto.
     
      In questa hora, a hore 22, s'è hauto lettere da Corom, et havemo da novo eri zonse a Corom el gripo di Furnari, el qual vien da Mello cargo de piere da molin, el qual dice hessendo a la vella fuor de l'ixola de Mello ave vista de una nave, et la nave atendeva a lui, e lui fusiva credendo che fosse nave de mal affar, et quando quelli de la nave vete che costui fuziva i butò la barcha in mar et armò quella, et zonse al gripo, et disseli non habiè paura perché nui semo venitiani et vegnimo de Constantinopoli, et manchemo de lì zorni 9, et havemo ordene de avisar tutti i navilii che nui trovemo, et dirli come l'armada turchescha serà presto fuora, et che le zente de la Natolia passava suso la Grecia, et aviavase a la volta de Corfù, et l'armada anderà per mar lì. Nui tal nuova non credemo, perché quelli da Corfù non scrive cossa alcuna. Io segondo l'ho cussì scrivo a la Signoria vostra, et tutto quello intenderò per zornata darò aviso a quella. Queste nove non è da dir perché le non se sa certo, la Signoria vostra le porà far intender a qual magnifico provedador, et a sua magnificenza me ricomandante.
     
      Da Modom, di sier Nicolò da cha da Pexaro provedador di l'armada, date in galia a dì 26 april. Nara il suo esser lì, et il zonzer la nave patron Bernardin Soligo, la qual è di sier Domenego Sanudo, et le nove ditte di sopra, partì.