La cazon di ditto consejo di X fu per il banco di Lipomani, qual per la gran furia di trar di danari li veniva fata non potea resister, per tanto li era forzo non sentar più, unde sier Zorzi Corner el cavalier, Antonio Trum, sier Piero Duodo et altri, andati dal principe et cai dil consejo di X, dimandono salvo conduto per un anno, cusś come era stà fato a li Garzoni; et cusś fu fato etiam a lhoro, et fo gran mormoration etc.
     
     
      [1499 05 16]A d́ 16 mazo. In collegio. In questa matina el banco di Lipomani falite; el qual fo levato dil 14, et dicea la ditta: sier Tomà Lipomano et sier Andrea Capello et fradelli; et poi dil 14 li Capelli lassono ditto banco, el qual rimase a sier Hironimo Lipomano et fradelli fo di sier Thomà, et cusś in questa matina non sentono più. Et gran brigata era reduti al banco, et fo gran mormoration, maxime per li danari havea al Monte nuovo, che pareva ducati 13 milia havesseno ubligà a sier Antonio Trum et ducati ... milia a la compagnia di Barbarigo Brocha, siché fo gran vergogna a questa terra.
     
      Vene l'orator dil re di romani, al qual, per il principe, li fo ditto a bocha la risposta, scusandosi haver fato dal canto nostro etc. Lui rispose non voler veder altro che li conti, et non dimandava danari come li era stà risposto, et volea partir. Item, dimanḍ di certi beneficii, etc., cosse particular; et li fo comesso le lettere, et partito fo balotà in collegio di darli ducati 25 d'oro, et have 15 balote, el resto di no, et fu preso.
     
      Vene l'orator di Urbin, et mostroe una lettera dil suo signor, di 19, qual recomandava a la Signoria li fanti erano stati in l'assedio a Bibiena.