In questo zorno, sier Vetor Capelo, savio ai ordeni, referite esser a la barza capitana a far la zercha; et che eri vene a vederla lo episcopo orator de Milan, la qual era ben in hordine con homini 301, et li fo dato la matina seguente comissione andasse a Modom adretura, et fo scrito al capitano zeneral di questa nave; et etiam per mio aricordo la expedition di la nave Gradeniga et di la Grimana.
     
     
      [1499 05 20]A dì 20 mazo. In collegio. Vene sier Antonio Bernardo doctor et cavalier, venuto capitano di [735] Bergamo, e disse di la fedeltà di quel populo, come sono hospedalieri, hanno fato chiesie et hospedali in suo tempo, et la comunità spende a l'anno in questo ducati 13 milia. Laudò sier Polo Pixani el cavalier e sier Hironimo Orio, con li qual era stato colega. Item, havia fato far una torre a la capella, et fabrichà una forteza in una valle chiamata la val de ... et è ai confini del milanese, et una altra ch'è di alcuni Soardi, chiamata Primano, saria bon averla, et li patroni è contenti si fortifichi. Item, il loco di Romam, ch'è al pian, saria ben fortifichar. Et affita i dacii zercha 60 ducati mancho dil consueto, ch'è ducati 30 milia, et che Bergamo dava de intrada ducati 32 milia. Item, di le decime dil clero, licet siano poveri, pur haveva scosso zercha ducati 10 milia. Or el principe laudò de more, et disse quanto al fortificar chi salva la chiocha salva i polesini, et questo soleva dir el signor Roberto qual diceva: pota di Sante Caterina! et quando diceva cussì, era.