Et l'exercito era reduto a certo locho per passar poi in la Morea, etc.
     
      Da Buje, di sier Sebastian da Molin podestà. Zercha li homini tolti di quel locho per armar la galia Istriana, licet non dieno contribuir.
     
      Da poi disnar non si redusse collegio, né fu altro consejo.
     
     
      [1499 05 21]A dì 21 mazo. In collegio. Vene sier Hironimo Lipomano fo dal banco, con sier Antonio Trum et altri parenti, et parlò esso sier Hironimo dicendo come li creditori havendo ditto lhoro falsificavano li libri, presentò il libro dil banco, et uno conto per il qual voleno pagar tutti; et disse erano debitori ducati 119 milia et 600. A l'incontro ducati 20 milia dia dar sier Mafio Soranzo suo arzentier, et ducati [739] 18 milia di debitori dil ditto sier Mafio Boni benché chè ne desse 27 milia. Item, ducati 8 milia restano haver da la Signoria nostra ducati 18 milia di debitori boni, ducati 4000 di debitori cativi. Item, ducati 17 milia sono debitori lhoro Lipomani, zoè sier Tomà Lipomano et fioli al bancho, che sumano questi ducati 85 milia. Item, dieno haver da sier Andrea Capello et fioi ducati 13 milia. Poi mostrò una poliza di lhoro cavedal: prima al Monte novo ducati 21 milia, poi al Monte vechio per ducati 20 milia, la caxa dove i sta a Santa Fosca ducati 12 milia, altre caxe in Santa Fosca ducati 3000, el squero per mezo ducati 9000, uno capelo di zoje fornito val ducati 8000, debitori in lhoro spizialità per ducati ... milia la volta et caxe in Rialto che hanno de intrada ducati 100 val ducati do milia.