Item, per un'altra lettera aricordano le provision. etc.
     
      [740] Di sier Domenego Malipiero provedador di l'armada, da Corphù, di 10. Come havia visto quelli castelli quali erano mal in hordine, non vi era monition nì altro. Per l'altra lettera recomandava ditto frate.
     
      Vene el ditto fra Francesco da Lignago, con barba e disse: Partì a dì 20 april da Constantinopoli, à lettere di fede di sier Andrea Griti, di 17, drizate ai provedadori nostri di l'armada che lo ricomandava sub enigma di elemosine, qual andoe a Corphù dove trovò sier Domenego Malipiero provedador, et vene con uno bregantin sora il qual montoe a Nepanto per Corphù, et partì a dì 10 de lì, et con uno gripo è venuto qui in 10 zorni. Disse: come l'armada turchescha era in hordine, zoè nave quare 23 tra le qual 2 di bote 3000, 8 di bote 400 fin 800, el resto di mancho numero di bote di portada, et che le do nave grande una era imburlà, l'altra li manchava la cheba. Item, galie sotil, tra lì et Constantinopoli et Galipoli, numero 100, schierazi da portar vituarie numero 80, per 7 mexi, parandarie et fuste in tutto numero 100, sarà ad sumum velle 300. Lo capitano si dicea saria Embraim bassà over l'altro bassà fo fiol di Carzego, et Camallì, era lì, capitano di le nave. Item, facea grande exercito, et il Signor vien in persona in campo; et che sier Andrea Griti li havia ditto che passerano ditto exercito su la Grecia, et che havia intendimento di Lepanto con uno prothojero de ... Thebe. Et che esso frate havia ditto questo, et sier Zuam Moro provedador di Lepanto, qual intese la verità, ha provisto.