Et che questo ditto soldam si havia secretamente inteso con uno capo de arabi, che li havia promesso amazar dicto diodar, ma li seguite il contrario, che il diodar amazoe dicto capo di arabi, scoprendo l'animo dil soldan. Venendo al Cajaro starà con pensier di vendicarsi di tal injuria. Questo è colui che amazò il soldaneto, sichè le cosse di quel paese sono in gran confusione, né modo vi si vede a drezarle tra lhoro signori, perché chi tira a un camin et chi ad uno altro. Era fama etiam il diodar foraussito desiderava pace, et rechiedeva per farla Alepo, il che si fusse vero non li seria concesso, perché di pochi zorni che lo l'havesse et potria far gran fortuna a questo soldam. Item, quella terra di Alexandria da decembrio in qua è imbratà di morbo, et qualche zorno n'è andà da 30 fin 40, a hora quasi non fa progresso alcuno. A quelli zorni gionse de lì el choza novo, perché Borgomani fu casso, si dice trovarsi debitor dil soldam di ducati zercha 24 milia, et haver ordinato che non dagando li ducati il fagii per mezo, che seguendo sarà a preposito di la nation nostra, perché da lui era sussità ogni male Questo novo choza è nominato Amet Benemurchi, el qual altre volte fo choza, dil qual la nation spera bon portamento per esser homo assai da bene. Item, de lì a pochi zorni verano mori mercadanti dal Cajaro, et crede si comenzerà a far qualche facenda, de' nostri ne son in magazen assai merze, le qual a hora potriano finirse: per nostri è stà fato da colli zercha [759] 300, e si va fazendo.